س1: بما تصف العلاقات المصرية الاسرائيلية؟
ج1: يا بخت من بات مظلوم و مبتش ظالم
.........
س2: بما تفسر الموقف العربى أمام الأوضاع فى غزة؟
ج2: إذا كان الكلام من فضة فالسكوت من ذهب
س3: بما تصف العلاقات المصرية الأمريكية؟
ج3: اللى أكله ما هو من فأسه ... رأيه ما هو من رأسه
س4: بما تصف سياسة مصر الخارجية؟
ج4: دسنا الأرض اللى ما تنداس و بوسنا اليد اللى ما تتباس لا نابنا لا ذهب و لا نحاس
س5: ما هى سياسة مصر الداخليه؟
ج5: أضرب المربوط يخاف السايب
س6: ما هو نظام الحكم فى مصر؟
ج6: سمك لبن تمر هندى
س7: ما هو موقف الأخوان المسلمين من الحكم؟
ج7: عينى فيه و أقول أخيه
س8: بما تصف التصريحات الحكوميه؟
ج8: أسمع كلامك أصدقك أشوف أمورك أستعجب
س9: بما تفسر التغيير الوزارى؟
ج9: ايه يعمل الترقيع فى الثوب البالى
س10: بما تصف الأخبار فى الصحافة الحكومية؟
ج10: قالوا الجمل طلع النخلة أدى الجمل و أدى النخله
س11: بما تفسر تضخم ثروة أحمد عز؟
ج11: سبحان العاطى الوهاب من بعد الشبشب و القبقاب
س12: ما هو الفرق بين حزب الوفد و حزب الجبهة الديمقراطية؟
ج12: لا تعايرنى ولا أعايرك دا الهم طايلنى و طايلك
ج :
' اللى تعرفه أحسن من اللى ماتعرفوش'
و طبعا هذا المثل إجابه لسؤال معروف أتركه لذكاء حضراتكم
