بنات ما يعلم بيها الا ربنا
ربنا يكون ف عونك يا محمد
ههههههههه
حبيبه المستقبل : (برومانسيه) شايف النجوم يامحمد
محمد: نجوم ايه بس فى عز الظهر دا انا الشمس حرقت افايا
...
حبيبه المستقبل : الله يامحمد بص السحابه اللى هناك دى
محمد: لا والله ياحبيبتى انا مش شايفها بس شايف دخان عربيات خنقنى
حبيبه المستقبل : يوووووووه يامحمد خليك رومانسى شويه
محمد: رومانسى ايه بس وانتى مخرجانى فى عز الضهر كده انا الشمس كلت وشى وقالت انا شبعت
حبيبه المستقبل : انت مش بتحبنى والا ايه
محمد: ياستى بحبك
حبيبه المستقبل : لاء انت كداب انت مش بتحبنى
محمد: يعنى اولع فى نفسى بجاز عشانتصدقى انى بحبك
حبيبه المستقبل : (والدموع على خدها) لا يامحمد انت اتغيرت خالص
محمد: ياحبيبتى والله بحبك
حبيبه المستقبل : لاء يامحمد متصلحش اللى انت عملته
محمد: وهو انا كنت عملت ايه بس
حبيبه المستقبل : (تعيط) اهئ اهئ اهئ
محمد: بتعيطى ليه دلوقت
حبيبه المستقبل : محمد طلقنى يامحمد
محمد: هوا احنا لسه اتجوزنا عشان اطلئك
حبيبه المستقبل : يعنى كمان مش عايز تطلقنى
محمد : (يشد فشعره) يادى الليله السودا انا ايه اللى خرجنى بس
حبيبه المستقبل : كمان خليتها ليله سودا .. يعنى انا اللى خرجتك غصب عنك
محمد: ياستى مش قصدى. بصى انا مش هرد عليكى عشان مانتخانئش
حبيبه المستقبل : للدرجادى قرفان منى
محمد: (وشه يحمر من الغيظ) يعنى انتى عايزه تتخانئى وخلاص
حبيبه المستقبل : يعنى انا نكاديه يامحمد
محمد: لاء ......انا
حبيبه المستقبل : انت بتاخدنى على اد عقلى
محمد : حقك عليا وادى راسك ابوسها
حبيبه المستقبل : ياسلام كده بكل بساطه
فجأه يقف محمد على سور الكوبرى ويرمى نفسه فى الميه
حبيبه المستقبل : تفتكر يا محمد انى كده هسامحك
ليست هناك تعليقات:
إرسال تعليق
اتمني اضافه الردود للحصول علي المزيد من المواضيع الشيقه التي تسعد الجميع