مدونه فيلم الديلر والمسلسلات التركيه تتمني لكم وقتا ممتعا ومواضيع تنال اعجابكم ليس فقط للاطفال ولكن للصغار والكبار والنساء والرجال فنحن نختلف عن الاخرون نسعي جاهدين للارتقاء بالمستوي الفكري والثقافي الي اعلي المراتب فتحتوي المدونه علي افلام ومسلسلات واغاني ومصارعه وقران كما تتميز باحدث صيحات الموضه العالميه واللمكياج
لاضافة هذه الاداة اضغط هنا

الاثنين، 17 يناير 2011

التفرقه العنصريه هههههههههههههههههههه

التفرقه العنصريه البنت و الولد

طبعا وانتا بتوقف الميكروباص وياسلام لو مافيش مكان

لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي
...
انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



ثانيا :-

طبعا وانتا طالع كتير مننا ممكن يخبط راسه في الباب

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا




ثالثا :-

وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



.... ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب



رابعا :-
لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه
خامساً:-  
 يـــاااااااااااه وصـــلت بقــا بالسـَـلامة بعد القهــر والتفرقة العنصـرية
الى حصـَـلتْ دى

الولد
يا أسطىىىىىىىىىىى ع جنبـــ يا برنس والنبــي
يا نجـِــم انت يــاعم ع جنب
طبــعا السواق ولا هو هنا
ماهو مشغل الاغــانى بقـــا ومعلى الصـوت
وينزلك بعد الشارع الى انت عَــاوزه يجى بشـارعين تلاتة
تيجى تكــلمه
ما انت الى صـُـوتك واطى زي البـنات ياعم المسـَكرْ

البنـت بقــا
يدووووب بس توشوش نفســها وتقـُــول ع جنبـ
هتلاقى الاربعتــاشر نفــر ف نفس واحد ع جنب يا أسطـى
إيــه انت أطرشْ مش ســامع
 

ليست هناك تعليقات:

إرسال تعليق

اتمني اضافه الردود للحصول علي المزيد من المواضيع الشيقه التي تسعد الجميع